Brotist inn í fjölda hesthúsa

Það sem af er árinu hefur verið brotist inn í á annan tug hesthúsa á höfuðborgarsvæðinu.

Úr þeim flestum hefur hnökkum verið stolið og segir lögreglan að það láti nærri að fimmtíu slíkir hafi horfið undanfarið. Lögreglan segir það vera ljóst að tjón eigendanna sé mikið en ýmsum öðrum munum hafi jafnframt verið stolið í þessum innbrotum. Fyllsta ástæða sé til að vekja athygli á þessu því þjófarnir reyni með einhverjum hætti að selja þýfið.

Lögreglan hvetur fólk til að vera á varðbergi og hafa samband ef grunsemdir vakna.