Ólæti á leik Barnsley og Manchester United tekin fyrir (myndband)

Aganefnd enska knattspyrnusambandsins mun rannsaka ólæti stuðningsmanna Barnsley og Manchester United á meðan á leik liðanna stóð í enska deildarbikarnum á Oakwell-leikvanginum í gærkvöldi.

United vann leikinn 0-2 ef frá er talið mark sem stuðningsmaður Barnsley skoraði í uppbótartíma þegar hann fékk sendingu frá félaga sínum sem hafði hlaupið inn á völlinn og stolið boltanum frá markverðinum Ben Foster hjá United. Hægt er að sjá myndband af atvikinu með því að smella hér.

Meðan á leiknum stóð voru átta stuðningsmenn handteknir fyrir ólæti, fjórir frá Barnsley og fjórir frá United en vallarstarfsmenn og öryggisgæsla höfðu í nógu að snúast í gærkvöldi. Þá var nokkuð um slagsmál fyrir utan leikvanginn og brotist var inn í matarvagn og peningum og mat stolið.