Ekkert ferðaveður í dag

Vegagerðin varar við stormi og slæmu ferðaveðri, sunnan og vestan til á landinu í dag. Vegfarendur eru beðnir um að kynna sér veðurspá og skilyrði til aksturs. Ekkert hefur verið flogið í morgun samkvæmt upplýsingum frá Flugfélagi Íslands en athugað verður með flug klukkan hálfellefu. Þá sigldi Herjólfur ekki í morgun.

Eins og kom fram á Vísi fyrr í morgun er aftakaveður í Vestmannaeyjum og hafa björgunarsveitarmenn aðstoðað við að festa þök sem voru við það að fjúka. Þá hafa björgunarsveitir einnig verið kallaðar út í Þorlákshöfn, á Eyrarbakka og víðar.

Talð er að veðurofsinn hafi ekki náð hámarki enn þá.