Ingibjörg Sólrún: Þarf að finna trúverðugan einstakling til að leiða ríkisstjórn

Þingflokksfundi Samfylkingarinnar er lokið. Ingibjörg Sólrún Gísladóttir hitti fréttamenn að honum loknum og sagði að hún myndi kynna Geir Haarde niðurstöðu þingflokksins áður en hún verði gerð opinber.

Hún sagði þó að Samfylkingin gerði kröfu um trúverðuga starfsstjórn í landinu. Hún sagðist ekki sækjast eftir því að verða forsætisráðherra, en hins vegar gerði flokkurinn kröfu um trúverðugur einstaklingur verði fundinn til þess að leiða stjórnina.

Aðspurð hvort kæmi til greina að gera Þorgerði Katrínu Gunnarsdóttur að forsætisráðherra sagði Ingibjörg það ekki sjálfgefið að keflið flyttist með þeim hætti.

Ein helsta krafa Samfylkingarinnar, ef stjórnin ætli sér að halda áfram, er sú að Seðlabankastjórnin víki og sagði Ingibjörg að Samfylkingin hafi sýnt ótrúlegt langlundargeð í því efni.