DiCaprio með strákunum

Fjölmiðlar hið vestra hafa verið að velta sér upp úr því hvort leikarinn Leon­ardo DiCaprio sé orðinn laus og liðugur á ný. Leikarinn, sem hefur verið í sambúð með ísraelsku fyrirsætunni Bar Rafaeli í nokkurn tíma, mætti á skemmtistaðinn MyHouse í Hollywood ásamt vinahóp sínum um helgina.

Leonardo pantaði vodkaflösku á borðið til sín og þegar leið á kvöldið hafði hópur af föngulegum meyjum sest við borðið með leikaranum og vinum hans. Leonardo eyddi það sem eftir var af kvöldinu með tveimur fallegum stúlkum og virtist skemmta sér hið besta. Þessi hegðun leikarans hefur nú fengið fólk til að velta vöngum um samband hans við fyrirsætuna, en þau hafa hætt saman þó nokkrum sinnum en ávallt tekið aftur saman.