Innlent

Ofbeldi mótmælt á morgun

Skemmdir unnar á stjórnarráðinu fyrr í vikunni.
Skemmdir unnar á stjórnarráðinu fyrr í vikunni.
Mótmæli gegn ofbeldi og eignaspjöllum munu fara fram á morgun, sunnudag, klukkan. 15 á Lækjartorgi.

,,Tilgangur mótmælanna er að hvetja samborgara okkar til að beita ekki ofbeldi í mótmælum sínum. Þetta er hugsað sem tækifæri fyrir alla, sama hvaða stjórnmálaskoðun þeir hafa, til að sýna að þeir viðurkenna ekki ofbeldi sem aðferð til að koma skoðunum á framfæri," segir í tilkynningu.

Ræðumenn verða; Sr. Guðni Már Harðarson prestur í Lindakirkju, Ásgerður Inga Stefánsdóttir aðstandandi lögreglumanns, Arnór Bjarki Svarfdal skáti og Hafsteinn Gunnar Hauksson. menntaskólanemi.

,,Við fögnum mótmælendum sem vilja aðgreina sig frá þeim sem beita ofbeldi, t.d. með appelsínugulum lit. Það er mikilvægt að gefa til kynna að ofbeldið sé ekki samþykkt, svo það festi sig ekki í sessi á Íslandi."




Fleiri fréttir

Sjá meira


×