Katie Holmes dansar í lokaþættinum

Katie Holmes, leikkona og ástmey stórleikarans Tom Cruise, kemur til með að taka sporið í lokaþætti So You Think You Can Dance þáttaraðarinnar.

Að því er kemur fram á slúðurvefnum E-Online er þegar búið að taka atriði hennar upp, en það verður ekki sýnt vestanhafs fyrr en í ágúst.

Samkvæmt heimildarmanni vefsins er atriðið nokkurskonar blanda af Broadway og Hollywood; það hefst á stóru sviði og svo dansar leikkonan inn í kvikmyndaver.

Heimildarmaðurinn tiltók einnig að Katie hefði dansað eins og fagmaður og leggirnir á henni hafi verið í góðu formi. Hún var með staf og hatt og var íklædd fimleikabol og sokkaboxum.