Framsókn hagar sér eins og þriðji ríkisstjórnarflokkurinn

Framsóknarflokkurinn lætur eins og hann sé þriðji ríkisstjórnarflokkurinn, þótt hlutverk hans sé aðeins að verja verðandi ríkisstjórn falli, segir Einar Mar Þórðarson stjórnmálafræðingur. Hann telur þó að Samfylking og Vinstri grænir hafi farið framúr sér í gær þegar skipulögð var kynning á nýrri ríkisstjórn á Austurvelli án nægilegs samráðs við Framsóknarflokkinn.

Með því að setja fram frekari kröfur og óska eftir nánari útfærslum en lágu fyrir í sáttmála verðandi stjórnarflokka, er Framsóknarflokkurinn að blanda sér meir inn í stjórnarmyndunina en hefð er fyrir við myndun minnihlutastjórna, segir Einar.

Vinstri grænir og Samfylking hafa 27 menn á þingi. Greiði Sjálfstæðisflokkur og Frjálslyndir atkvæði gegn frumvörpum verðandi ríkisstjórnar eru það 29 atkvæði. Því er staðan sú að Framsóknarflokkur gæti í einhverjum tilvikum þurft að styðja mál ríkisstjórnar, ekki nægir að þeir sitji hjá og verji stjórnina þannig með hlutleysi. En er þá ekki eðlilegt Framsókn vilji kynna sér rækilega hvernig verðandi ríkisstjórn ætlar að haga málum.