Tina Fey missti meydóminn 24 ára

Gamanleikkonan Tina Fey, skapari 30 Rock, missti meydóminn þegar hún var 24 ára gömul. Þetta kom fram í þætti Davids Letterman í vikunni.

Letterman las upp upplýsingar um meydómsmissi nokkurra þekktra leikkvenna á borð við Brooke Shields, sem missti meydóminn 22 ára og Adriönu Lima, sem beið þar til hún varð 27 ára. „Þær höfðu val,“ sagði Fey og gerði létt grín að sjálfri sér áður en Letterman tilkynnti að hún hefði beðið til 24 ára aldurs og að núverandi eiginmaður hennar hefði verið sá fyrsti.

„Ég varð að bíða. Það var gott og samkvæmt góðum kristnum gildum, eða bara heimilislegt,“ sagði Fey kaldhæðnislega og salurinn sprakk úr hlátri.