Mótmælt á Austurvelli í dag

Raddir fólksins boða til friðsamlegrar mótmælastöðu á Austurvelli í dag klukkan 13 þegar Alþingi kemur saman að nýju eftir jólaleyfi.

Að sögn Harðar Torfasonar, eins forsvarsmanna samtakanna, er fundurinn haldinn að kröfu fólksins. Hann hvetur fólk til að mæta með söngbækur, potta, sleifar, flautur og hrossabresti.

„Við ætlum að koma saman friðsamlega, vera þarna í kringum þingið, syngja og hafa hátt og láta þessa fulltrúa okkar vita að við séum til því þeir virðast ekki hlusta mikið á okkur,“ segir Hörður.- ovd