Mikið verk að vinna

„Þetta er gríðarleg áskorun en nú er bara að bretta upp ermar. Ég er mjög ánægð með þessa ríkisstjórn og stjórnarsáttmálann sem er öflugur, en það þarf aldeilis að taka til hendinni," segir Katrín Júlíusdóttir en tilkynnt var fyrr í dag að hún taki við af Össuri Skarphéðinssyni sem iðnaðarráðherra. „Þungamiðja atvinnumála er iðnaðarráðuneytinu og þannig að er svo sannarlega verk að vinna."

Nýja starfið leggst afar vel í Katrínu en hún fékk að vita í dag að hún yrði ráðherra.

„Það liggur fyrir yfirlýsing sem gildir fram á hausið. Þeir eru ríkir að orkulindum fyrir norðan sem ég vona að nýtist til atvinnuuppbyggingar á svæðinu hver sem hún verður," segir Katrín um viljayfirlýsingu sem fráfarandi iðnaðarráðherra skrifaði undir ásamt forsvarsmönnum Aloca og sveitarfélaga á svæðinu um hugsanlegt álver á Bakka.

Katrín var fyrst kjörin á Alþingi í kosningunum 2003. Hún er 34 ára gömul.