Enski deildarbikarinn: United vann Barnsley

Manchester United komst í átta-liða úrslit deildarbikarsins í kvöld eftir 0-2 sigur gegn Emil Hallfreðssyni og félögum í Barnsley á Oakwell-leikvangunum.

Emil lék allan leikinn á miðjunni hjá Barnsley og stóð vel fyrir sínu.

Gestirnir í United fengu draumabyrjun þegar Danny Welbeck skoraði snemma leiks með skalla en það reyndist eina mark fyrri hálfleiks. Michael Owen bætti svo við öðru marki fyrir United þegar um hálftími lifði leiks en stuttu síðar fékk Gary Neville rautt spjald fyrir grófa tæklingu.

Þrátt fyrir að vera leikmanni færri sigldu gestirnir sigrinum örugglega í höfn og niðurstaðan 0-2 sigur United.

Það er að segja ef frá er talið mark sem stuðningsmaður Barnsley skoraði í uppbótartíma þegar hann stal boltanum af markverðinum Ben Foster og skilaði honum í markið áður en vallargæslan handsamaði hann.

Úrslit kvöldsins:

Barnsley-Manchester United 0-2

0-1 Danny Welbeck (6.), 0-2 Michael Owen (59.).

Portsmouth-Stoke 4-0

1-0 Frederic Piquionne (17.), 2-0 Danny Webber (55.), 3-0 Piquionne (59.). 4-0 Kanu (81.).

Sunderland-Aston Villa 0-0*

*Aston Villa vann 1-4 eftir vítaspyrnukeppni.

Blackburn-Peterbrough 5-2

1-0 Morten Gamst Pedersen (4.), 1-1 Chris Whelpdale (17.), 2-1 Steven Reid (45.), 2-2 George Boyd (50.), 3-2 Michel Salgado (57.), 4-2 Benni McCarthy (72.), 5-2 Nikola Kalinic (74.).

Tottenham-Everton 2-0

1-0 Tom Huddlestone (31.), 2-0 Robbie Keane (57.)