Stephen Baldwin er gjaldþrota

Hollywoodleikarinn Stephen Baldwin er skuldum vafinn og hefur óskað eftir gjaldþrotaskiptum.

Gögn sem birt voru í alríkisdómstól í New York í gær sýna að Baldwin skuldar 1,2 milljón dala, tæpar 150 milljónir íslenskra króna, í húsnæðislán vegna húseignar sinnar sem er staðsett um 50 kílómetrum frá New York. Verðmæti eignarinnar er 1,1 milljón dala, eða um 140 milljónir íslenskra króna.

Þá skuldar Baldwin 1 milljón dala, um 126 milljónir íslenskra króna, í skatta og greiðslukortareikningur hans nemur 70 þúsund dölum, eða tæpum níu milljónum íslenskra króna.