Telegraph greinir frá mótmælunum

Breska blaðið Telegraph segir frá mótmælunum við Alþingishúsið á vefsíðu sinni í dag. Í frétt blaðsins er meðal annars greint frá því að nú sé svo komið að ríkisstjórn Geirs H. Haarde og Seðlabankanum sé mótmælt með reglulegu millibili á því sem áður voru rólegar götur Reykjavíkur.

Eins greinir frá því að þingmenn hafi verið tepptir í Alþingishúsinu klukkustundum saman á meðan mótmælendur brutu rúður og gerðu vopnabrak og gný mikinn með pottum og öðrum búsáhöldum.

Telegraph segir efnahagskreppuna hafa vakið ofbeldisfull mótmæli í nokkrum Evrópulöndum og nefnir sérstaklega Búlgaríu, Lettland, Litháen og Grikkland.

Frétt Telegraph má lesa hér.