Gagnrýna fyrirætlanir um niðurskurð

Bandalag háskólamanna lýsir andstöðu við þær fyrirætlanir ríkisstjórnar að hefja niðurskurð í ríkisfjármálum á aðgerðum sem bitna á börnum, ungmennum fötluðu fólki, sjúklingum og öldruðum.

,,Niðurskurður í ríkisþjónustu á að mati Bandalags háskólamanna allra síst að byrja á þeim sem minnst mega sín.  Á tímum sem þessum á að vera forgangsmál að vernda og styrkja þjónustu við þá hópa sem höllustum fæti standa," segir í ályktun félagsins.

Bandalag háskólamanna áréttar að samráð sé haft við samtök launafólks og fag- og stéttarfélög þegar ráðist er í kerfisbreytingar og niðurskurð á vegum ríkisins.