Mótmælin í myndum

Þúsundir manna söfnuðust saman á Austurvelli þegar Alþingi kom saman eftir hlé í gær. Fólk var hvatt til þess að mæta og láta í sér heyra. Rétt eftir hádegi fór fólk að safnast saman og mótmælin eru einhver þau kröftugust og háværustu hingað til. Vísir var á staðnum.

Fólk úr flestum stéttum þjóðfélagsins gerðu hróp að þingheimi sem sat fastur inn í þinghúsinu fram eftir degi. Krafan var skýr:

„Vanhæf ríkisstjórn"

Nokkrum sinnum sauð uppúr og þurfti lögregla að beita piparúða og kylfum til þess að hafa hemil á fólkinu. Skyri var slett á lögregluna og hvellhettur voru sprengdar. Andrúmsloftið var rafmagnað.

Lögreglan var gagnrýnd fyrir harkaleg viðbrögð en svaraði á móti að þeir væru einungis að verja þinghúsið.

Fimmtán klukkutímum síðar fóru síðustu mótmælendurnir heim til sín. Þá var búið að fella Oslóartréið við Austurvöll og brenna á báli.

Ljósmyndararnir Vilhelm Gunnarsson, Anton Brink Hansen og Gunnar V. Andrésson voru á staðnum og tóku meðfylgjandi myndir. Einnig er hægt að horfa á myndband frá gærkvöldinu sem Daníel Friðriksson tók.