Geir segir stjórnarsamstarfið traust

Forsætisráðherra fullyrðir að stjórnarsamstarfið standi traustum fótum og segir að formaður Samfylkingarinnar hafi staðfest það í samtali við sig síðast í dag. Honum fannst að sér hafi verið ógnað þegar mótmælendur gerðu aðsúg að honum og bíl hans við stjórnarráðið í dag.

Mikill þrýstingur er úti í þjóðfélaginu um að boðað verði til kosninga sem fyrst og er það ein megin krafa þeirra sem mótmæla hástöfum á Austurvelli. Þá er þrýstingurinn á kosningar einnig að aukast innan Samfylkingarinnar.

Ágúst Ólafur Ágústsson Varaformaður Samfylkingarinnar vill hins vegar kosningar sem fyrst.

Forsætisráðherra segir að ríkisstjórninin þurfi að bæta úr upplýsingaflæði til almennings um þær aðgerðir sem þegar hefur verið gripið til og þeirra sem eru væntanlegar.