Ingibjörg kemur heim í vikulok - leggst beint inn á Landspítala

Ingibjörg Sólrún Gísladóttir utanríkisráðherra hefur dvalist á Karolínska sjúkrahúsinu í Stokkhólmi síðastliðna viku. Þar gekkst hún undir aðgerð þar sem sýni voru tekin vegna heilaæxlis og hluti þess jafnframt fjarlægður. Aðgerðin heppnaðist vel, samkvæmt upplýsingum frá utanríkisráðuneytinu, en ákvörðun um frekari meðferð liggur ekki fyrir.

Ingibjörg Sólrún er væntanleg heim í vikulokin og mun þá verða lögð inn á Landspítala háskólasjúkrahús þar sem læknar munu taka ákvörðun um framhaldið. Þetta kemur fram í fréttatilkynningu frá utanríkisráðuneytinu.