Stjórnarsamstarfið rætt á félagsfundi Samfylkingar

Stjórnarsamstarfið verður umræðuefnið á félagsfundi í Samfylkingarfélagi Reykjavíkur í kvöld. Frummælendur verða Mörður Árnason varaþingmaður og Lúðvík Bergvinsson þingmaður en Mörður segir að innan flokksins séu verulegar efasemdir um núverandi ríkisstjórnarsamstarf.

Sérstaklega verði þess vart hjá almennum flokksmönnum og þingmönnum, en hann vilji ekki tala fyrir hönd ráðherra flokksins. Tíu þingmenn Samfylkingarinnar leggja fram frumvarp um breytingar á kosningalögum á þann veg að meirihluti kjósenda, hvort heldur er í einstöku sveitarfélagi eða á landsvísu, geti knúið fram kosningar.