Árni situr áfram

Árni Mathiesen fjármálaráðherra hyggst sitja áfram í ráðuneytinu fram að kosningum. Þetta sagði Árni í samtali við fréttamenn Stöðvar 2 og Vísis í Valhöll i dag. Óhætt er að segja að háværar kröfur hafa verið um breytingar á ríkisstjórninni að undanförnu. Eftir yfirlýsingu Ingibjargar Sólrúnar Gísladóttur í sjónvarpsfréttum í gær og yfirlýsingu Geirs Haarde forsætisráðherra um að hann myndi ekki gefa kost á sér til formennsku í Sjálfstæðisflokknum á næsta landsfundi og að kosið yrði í vor, er ljóst að miklar breytingar eru framundan.