Innbrotsþjófar réðust á húsráðanda

Þrír ungir karlmenn réðust á mann í íbúð við Furugrund í Kópavogi á fimmta tímanum i dag.

Atburðarrásin varð með þeim hætti að mennirnir höfðu brotist inn í íbúð mannsins þegar að hann var fjarstaddur. Þegar að hann kom svo óvænt að mönnunum réðust þeir á hann og flúðu síðan vettvang. Lögreglan náði þeim síðar á öðrum stað. Ekki er vitað hvort þeir höfðu eitthvað með sér úr innbrotinu.

Mennirnir eru nú í haldi lögreglunnar. Þeir eru í annarlegu ástandi og því hefur ekki reynst unnt að taka af þeim skýrslu. Elsti maðurinn er 24 ára gamall.