Engin frekari leit gerð á Breiðafirði

Ekkert verður leiltað frekar á Breiðafirði í dag nema að nýjar upplýsingar gefi tilefni til. Víðtæk leit var gerð á filrðinum í nótt, eftir að að þar sáust tvö neyðarblys á lofti laust fyrir klukkan ellefu í gærkvöldi.

Björgunarbátur frá Búðardal, og tveir fiskibátar frá Stykkishólmi, með björgunarsveitarmenn og lögreglu um borð, leituðu vítt og breitt um fjörðinn í góðu veðri og góðu skyggni og þyrla Landhelgisgæslunnar leitað úr lofti fram yfir klukkan þrjú í nótt, en allt án árangurs.

Þá var víðtæk eftirgrennslan gerð í landi með fyrirspurnum og bátar voru taldilr og skráðir í öllum höfnum, en einskis báts var saknað. Blysin sáust greinilega frá Kambsnesi, sunnan við Búðardal, og var því einkum leitað úti fyrir Hvammsfirði og norður af Stykkishólmi.

Ákveðið var í morgun að hefja hefja ekki leilt á ný, enda eru nú margir bátar komnir þarna á sjó og hafa skipstjórnarmenn verðið beðnir að svipast um. Þung viðurlög eru við því að skjóta neyðarblysum á loft að óþörfu.