Miskabætur hækkaðar í Hæstarétti

Hæstiréttur Íslands staðfesti tveggja ára dómi yfir karlmanni sem misnotaði stjúbarnabarn sitt og aðra stúlku, auk þess sem miskabætur til seinni stúlkunnar voru hækkaðar um tvö hundruð þúsund krónur.

Stúlkurnar voru tíu og ellefu ára gamlar þegar maðurinn braut gegn þeim. Atvikin áttu sér stað á heimili mannsins en komust upp þegar stjúbarnabarn hans sagði presti frá misnotkuninni þegar hún var í kristilegum sumarbúðum. Maðurinn var ákærður í kjölfarið og að lokum dæmdur.

Manninum var gert að greiða stúlkunum fimm- og níu hundruð þúsund krónur í miskabætur.