Hátt í 80 útköll í dag - engin stórtjón

Lögregla og björgunarsveitir hafa þurft að sinna hátt í 80 útköllum í dag vegna óveðursins. Það er óheyrilega mikið eins og varðstjóri lögreglunnar orðaði það.

Útköllin hafa verið víðsvegar á stór Reykjavíkursvæðinu. Allt frá Hafnarfirði norður til Kjalarnes þar sem ástandið var hvað verst í dag. Mestur var vindhraðinn um 50 metrar á sekúndu á Kjalarnesinu.

Þá skapaðist gríðarleg hætta á Hrafnshólum vegna þakplatna sem þar fuku. Björgunarsveitin er búinn að tryggja lausar plötur og standa vonir að það endist þar til veðrinu slotar.

Þá fauk þakjárn yfir Brautarholt á Kjalarnesi. Um var að ræða gamalt refabú.

Að sögn varðstjóra hefur ekkert stórtjón orðið. Hann telur þó að samanlagður skaðinn vegna veðurs gæti orðið nokkur.

Veðrið er að ganga niður en vindur er enn mikill.