Þingmenn styðja Bjarna

Þingmennirnir Birgir Ármansson, Ólaf Nordal og Sigurður Kári Kristjánsson styðja öll Bjarna Benediktsson, sem næsta formann Sjálfstæðisflokksins. Þetta kemur fram í sunnudagsblaði Morgunblaðsins. Geir H. Haarde, forsætisráðherra og formaður Sjálfstæðisflokksins, tilkynnti í gær að hann ætli að láta af formennsku og segja skilið við stjórnmálin. Geir greindist nýverið með illkynja æxli í vélinda og þarf að leita sér lækninga erlendis. Auk Bjarna eru Þorgerður Katrín Gunnarsdóttir varaformaður flokksins, Kristján Þór Júlíusson og Guðlaugur Þór Þórðarsson öll sögð íhuga að gefa kost á sér í embætti formanns á landsþingi flokksins í mars.