Mismunandi sýn á ástæður stjórnarslitanna

Ingibjörg Sólrún Gísladóttir, formaður Samfylkingarinnar, segir það ekki alveg réttilega með farið þegar Geir Haarde, formaður Sjálfstæðisflokksins, segi að ástæða stjórnarslita sé krafa Samfylkingarinnar um að taka við forsætisráðuneytinu.

Hún segir að ástæðan fyrir því að þetta stjórnarsamstarf hafi ekki gengið lengur væri sú að ríkisstjórnin þyrfti öfluga verkstjórn og öfluga aðgerðaráætlun til að hrinda mikilvægum verkefnum í framkvæmd. Hún hafi viljað að þau Geir myndu taka sér mánaðarlangt frí og Jóhanna Sigurðardóttir, sem hún segir vera einn óumdeildasta þingmanninn, ætti að leiða ríkisstjórnina.

Geir og Ingibjörg tóku bæði fram að það gengi kraftaverki næst að tekist hefði á halda uppi greiðslukerfi í landinu fyrst eftir bankahrunið.