Tjáir sig ekki um öryggismál ráðherra

Guðmundur Guðjónsson, yfirlögregluþjónn hjá Ríkislögreglustjóra, segir að embættið vilji engar upplýsingar gefa um öryggismál ráðherra þjóðarinnar.

Það vakti athygli þegar að einn mótmælandi veittist að þeim Þorgerði Katrínu Gunnarsdóttur menntamálaráðherra og Geir Haarde forsætisráðherra fyrir ríkisstjórnarfund sem haldinn var í alþingishúsinu á þriðjudag. Guðmundur vildi ekkert tjá sig um málið í samtali við Fréttastofu, þegar hann var spurður að því hvort Geir væri enn með öryggisfylgd.

Geir Haarde forsætisráðherra vildi lítið tjá sig um málið í kvöldfréttum Stöðvar 2 í gær. Hann sagðist þó ekki ætla að óska eftir aukinni vernd. Það væri í höndum lögreglunnar að annast öryggismál sín