560 vildu listamannalaun

Úthlutunarnefndum listamannalaun bárust alls 560 umsóknir um starfslaun listamanna fyrir árið 2009, en fyrir ári síðan bárust 514 umsóknir. Launin eru veitt leikhópum og einstaklingum allt frá þremur mánuðum til þriggja ára og voru launin úthlutað til 134 einstaklinga og 11 hópa í þetta sinn. Listamannalaun eru rúmlega 267 þúsund krónur á mánuði.

Launasjóður rithöfunda ákvað að veita Gerði Kristnýju Guðjónsdóttur, Hallgrími Helgasyni og Ólafi Hauki Símonarsyni listamannalaun í þrjú ár. Alls fengu 60 rithöfundar úthlutað úr sjóðnum. Flestir í hálft ár eða þrjá mánuði.

46 myndlistarmenn fengu úthlutað úr sjóðnum, þar af tæplega helmingur í hálft ár. Ásmundur Ásmundsson, Elín Hansdóttir, Libia Castro og

Steinunn Bjarnadóttir Vasulka verða á listamannalaunum næstu tvö árin.

Þá var 26 einstaklingum og 11 hópum veitt listamannalaun úr Listasjóði. Bjarni Thor Kristinsson, Katrín Ólafsdóttir, Katrín Pétursdóttir, Margrét Jóhanna Pálmadóttir, Tómas R. Einarsson, Víkingur Heiðar Ólafsson, Jóhann Helgason og Eydís Franzdóttir fá listamannalaun í ár.

Nánari útlistun og skiptingu úthlutunarnefndar er hægt að lesa í fylgiskjali.