Róbert Marshall býður sig aftur fram

Fyrrum fréttamaðurinn Róbert Marshall hyggst bjóða sig fram í annað sætið á lista Samfylkingarinnar á Suðurlandi.

Róbert er ekki nýgræðingur í stjórnmálum en hann bauð sig fram í fyrsta til annað sætið á lista Samfylkingarinnar í síðustu kosningum.

Hann náði ekki tilætluðum árangri í þingkosningum heldur hefur hann verið varaþingmaður kjördæmisins. Að auki hefur hann starfað sem aðstoðarmaður Kristjáns Möllers samgönguráðherra.

Fyrsti þingmaður Samfylkingarinnar á Suðurlandi er Björgvin G. Sigurðsson, sem sagði af sér sem viðskiptaráðherra í síðasta mánuði.

Í dag tilkynnti gamall kollegi Róberts, Sigmundur Ernir Rúnarsson einnig framboð í norðaustur-kjördæmi.