Ekið yfir sífellt fleiri hreindýr

Aldrei hefur verið ekið yfir jafn mörg hreindýr hér á landi á einu ári og síðastliðið ár en þau voru alls 31 talsins. „Árið þar áður voru þau reyndar 30 en það skekkir myndina nokkuð að þá fóru 13 dýr í einu tilteknu slysi," segir Skarphéðinn G. Þórisson, sérfræðingur hjá Náttúrustofu Austurlands.

Flest þessara slysa verða á Kárahnjúkavegi en síðan hann var lagður árið 2002 hafa 36 hreindýr orðið fyrir bíl á þeim vegi. Skarphéðinn segir vonir standa til þess að Vegagerðin muni uppfæra á heimasíðu sinni upplýsingar um það hvort hreindýr séu á ferð nálægt vegum sem gerist nokkuð oft. Slíkar upplýsingar yrði þá hægt að nálgast með svipuðu móti og upplýsingar um færð.- jse