Mancini á eftir Maicon?

Man. City er orðað við enn einn leikmann Inter frá Ítalíu í dag. Að þessu sinni er City sagt hafa áhuga á brasilíska bakverðinum Maicon.

Mancini hefur reyndar viðurkennt að hann sé mikill aðdáandi leikmannsins og hefði ekkert á móti því að hafa hann í sínu liði. Maninci vann með Maicon er hann stýrði Inter.

Mancini segir að Man. City ætli sér að enda meðal fjögurra efstu í ensku deildinni og til að ná því takmarki verði liðið að kaupa heimsklassaleikmenn.

Maicon sé þar á meðal.