Fráfarandi ríkisstjórn á Bessastöðum

Fyrri ríkisstjórn Jóhönnu Sigurðardóttur kom saman í síðasta sinn á ríkisráðsfundi á Bessastöðum klukkan 17. Stjórnin var mynduð sunnudaginn 1. febrúar og varði Framsóknarflokkurinn hana með hlutleysi sínu. Samfylking og Vinstri grænir fengu meirihluta í kosningunum fyrir hálfu mánuði og ákváðu flokkarnir fyrr í dag að mynda saman nýja meirihlutastjórn.

Á þessum tímamótum láta Kolbrún Halldórsdóttir af embætti umhverfisráðherra og Ásta Ragnheiður Jóhannesdóttir hættir sem félags- og tryggingamálaráðherra.

Ný ríkisstjórn kemur saman á Bessastöðum klukkan 18:15.