Hefja handfæraveiðar á makríl

Nýr veiðiskapur í atvinnuskyni hefst væntanlega hér við land í næsta mánuði þegar nokkrir smábátasjómenn, einkum frá Suðausturlandi, ætla að hefja handfæraveiðar á makríl. Gerðar hafa verið tilraunir með þess háttar veiðar tvö undanfarin sumur og veiddu nokkrir smábátar 7.600 tonn af makríl í fyrrasumar.

Hornfirskur smábátasjómaður frá Höfn í Hornafirði segir í viðtali við Sjávarfréttir að sá árangur sýni að þetta sé hægt og verið sé að þróa frekar búnað til veiðanna. Aflinn er ýmist heilfrystur eða heitreyktur til manneldis.