Skúli vill þriðja sætið

Í yfirlýsingu sem Skúli sendi frá sér stendur:

Ég hef ákveðið að svara hvatningu félaga minna um að óska eftir stuðningi í 3. sæti á lista Samfylkingarinnar í Reykjavík í prófkjörinu sem haldið er í þessari viku. Með yfirlýsingu Ingibjargar Sólrúnar Gísladóttur um að hún dragi sig í hlé frá stjórnmálum hafa forsendur breyst og í ljósi þess vil ég svara kalli kjósenda um endurnýjun með því að gefa kost á mér í 3. sæti listans.

Virðingarfyllst, Skúli Helgason.

Þá hefur Ásta Ragnheiður Jóhannesdóttir félags- og tryggingarmálaráðherra ákveðið að sækjast einnig eftir þriðja sætinu. Í tilkynningu frá henni segir að í ljósi breyttra aðstæðna hafi hún nú ákveðið að sækjast eftir umræddu sæti, en hún sóttist eftir fjórða sætinu.