Vilja Bruce Lee safn í staðinn fyrir ástarhreiður

Fyrrum heimili kvikmyndaleikarans Bruce Lee er nýtt sem ástarhreiður þessa dagana og eru herbergi leigð út klukkutíma í senn. En nú hyggjast opinberir aðilar setja á fót samkeppni til þess að gera heimilið að virðulegu safni.

„Ég vona að ég geti upplifað það að Bruce Lee safnið verði að veruleika á meðan ég lifi," segir Yu Pang-lin, sem er á áttræðisaldri, á fréttamannafundi sem var haldinn í tilefni þess að 36 ár eru liðin frá því að Bruce Lee lést. Hann lést 20. júlí 1973.