Ákveðið að Samfylking og VG myndi ríkisstjórn

Forseti Íslands tilkynnti laust fyrir hádegi að hann hafi ákveðið að fela formönnum Vinstri grænna og Samfylkingar að hefja viðræður að myndun nýrrar ríkisstjórnar sem yrði varin vantrausti af Framsóknarflokknum og eftir atvikum Frjálslynda flokknum. Þetta var niðurstaða funda sem forsetinn átti með formönnum flokkanna í gær. Lögð er áhersla á að stjórnarmyndun taki einungis fáeina daga.

Greint var frá því hér á Vísi í gærmorgun að pólitískt samkomulag hefði náðst um myndun þessarar ríkisstjórnar. Upphaflega var gert ráð fyrir að Ingibjörg Sólrún Gísladóttir yrði forsætisráðherra en síðar varð að samkomulagi að Jóhanna Sigurðardóttir mun gegna forsætisráðherraembættinu.