Dæmdur fyrir að misnota dóttur æskuvinar

Tryggvi Óli Þorfinnsson, 42 ára gamall Hvergerðingur, var dæmdur í átján mánaða fangelsi í Héraðsdómi Reykjavíkur fyrir að misnota unglingsstúlku kynferðislega. Hann var meðal annars dæmdur fyrir að setja gervilim í leggöng stúlkunnar þegar hún var fimmtán ára auk þess sem hann lét hana hafa við sig munnmök. Misnotkunin hófst þegar hún var tólf, þrettán ára gömul.

Honum er gert að greiða stúlkunni milljón krónur í skaðbætur og er vísað til þess að verknaðurinn hafi haft í för með sér alvarlegt tjón fyrir brotaþola sem lýsi sér í djúpstæðri vanlíðan sem hafi haft áhrif á allt hennar líf.

Stúlkan var dóttir æskuvinar Tryggva Óla en hann passaði stúlkuna fyrir æskuvinin. Í dómsorði segir: Um hafi verið að ræða gróft brot gegn persónu- og kynfrelsi brotaþola. Sé brotið sérstaklega alvarlegt með tilliti til ungs aldurs brotaþola og sé það til þess fallið að hafa áhrif á andlega og þar með líkamlega heilsu brotaþola um ókomna tíð.

Dómurinn er óskilorðsbundin.