Lögreglan lýsir eftir vitnum að íkveikju á Klapparstíg

Grunur leikur á að kveikt hafi verið í húsinu á Klapparstíg 17 í Reykjavík fyrr í janúar. Um er að ræða íbúðarhús en eldur kom upp í húsinu aðfaranótt föstudagsins 16. janúar og var fólki bjargað giftusamlega úr húsinu.

Lögreglan á höfuðborgarsvæðinu fer með rannsókn málsins og biður alla þá sem geta veitt upplýsingar um grunsamlegar mannaferðir í eða við húsið að hafa samband við lögregluna í síma 444-1100 eða 444-1104. Lögreglan leitar vísbendinga um mannaferðir á þessum stað á tímabilinu þrjú til hálffjögur umrædda nótt.