Specials á Víkingahátíð

Hin árlega Víkingahátíð fer fram við Fjörukrána í Hafnarfirði um helgina. Þar mun Hljómsveitin Specials spila bæði föstudags- og laugardagskvöld. Þetta er í þriðja sinn sem Specials leika fyrir gesti Víkingahátíðarinnar. Alltaf hefur verið húsfyllir á dansleikjum Specials á hátíðinni og mikið stuð, enda miklir reynsluboltar á ferðinni. Ásgeir Óskars þekkja flestir úr Þursunum og Stuðmönnum, Ingvar Grétars hefur stjórnað Úlfunum undanfarin ár, Jón Ólafs hefur gert garðinn frægan með böndum á borð við Vinum Dóra og Óttar Felix hefur haldið merki Pops hátt á lofti um árabil.