Lukas vildi Amiinu

Hljómsveitin Amiina heldur áfram að vekja athygli utan landsteinanna. Sænski leikstjórinn Lukas Moodysson, sem til dæmis er þekktur fyrir myndirnar Lilja 4ever og Tilsammans, fór á stúfana við stelpurnar og fékk að nota tvö lög af plötunni Kurr í nýjustu mynd sína Mammoth. Þá hafa tónlistarmenn á borð við Danny Elfman sýnt áhuga á samstarfi við stelpurnar.

Myndin er sú fyrsta á ensku frá Moodysson og er sýnd víða um heim um þessar mundir. Aðalleikarar eru Gael Garcia Bernal og Michelle Williams. Meðal annarra tónlistarmanna sem eiga lög í myndinni eru Ladytron og Cat Power. Myndin var tilnefnd til Gullbjarnarins í Berlín 2009.