Frjálslyndir gagnrýna ríkisstjórnina

Framkvæmdastjórn Frjálslynda flokksins gagnrýnir og lýsir furðu sinni á stefnuyfirlýsingu ríkisstjórnarinnar. Í hana vanti allar útfærslur um það hvernig bregðast ætti við þeim efnahagsvanda sem við blasir. Ekki hafi verið útlistað um það hvernig efla eigi atvinnulífið og afla nýrra tekna fyrir þjóðfélagið í heild.

„Frjálslyndi flokkurinn áréttar tillögur sínar sem flokkurinn setti fram í síðustu kosningabaráttu til eflingar atvinnulífinu og öflunar nýrra tekna fyrir þjóðarbúið," segir í ályktun framkvæmdastjórnarinnar.

Frjálslyndi flokkurinn telur að vandinn verði ekki leystur með skattahækkunum einum sér eða niðurskuði. Nýjar tekjur og aukin atvinna verði að koma til.