Innlent

Kolbrún snúin niður í þinginu

Framsóknarmenn hafa með sjálfstæðismönnum og frjálslyndum myndað nýjan pólitískan meirihluta á Alþingi gegn stefnu Vinstri grænna í umhverfis- og stóriðjumálum. Flokkarnir standa saman að þingsályktunartillögu um að knýja Kolbrúnu Halldórsdóttur umhverfisráðherra til að sækja á um meiri undanþágur fyrir Ísland í loftlagsmálum.

Kyoto undanþágan gefur ekki svigrúm fyrir álver bæði í Helguvík og á Bakka. 36 þingmenn, allir aðrir en þingmenn Samfylkingar og Vinstri grænna, leggja til, undir forystu Sivjar Friðleifsdóttur, að umhverfisráðherra beiti sér til hins ýtrasta í yfirstandandi loftlagsviðræðum til að tryggja undanþágur.

Kolbrún segir samningsumboðið í sínum höndum og telur vonlaust að fá frekari undanþágur en segist þó beygja sig undir vilja meirihlutans fáist tillagan samþykkt. Þetta er hins vegar afar sérstök staða að Framsóknarmenn, sem stuðningsflokkur ríkisstjórnarinnar, hafi nú myndað annan meirihluta í þinginu um þennan málaflokk. Líklegt er að meirihlutinn knýi á um að málið verði tekið til umræðu strax á morgun.





Mest lesið


Fleiri fréttir

Sjá meira


×

Mest lesið