Mörg mál eru enn ókláruð

„Kosningar voru svo sem komnar á sjónarsviðið með einum eða öðrum hætti. Aðalatriðið er að út úr því ferli öllu komi einhver vilji og geta til að taka framtíðar-ákvarðanir, sem skila þjóðinni áfram en ekki aftur á bak,“ segir Vilhjálmur Egilsson, framkvæmdastjóri Samtaka atvinnulífsins.

Vilhjálmur segist sleginn yfir fregnum af veikindum Geirs Haarde. „Þetta er mjög slæmt og ég vona innilega að hann nái sér af þessum veikindum. En verkefni ríkisstjórnarinnar er að halda áfram að vinna. Það þarf að taka margar ákvarðanir því mörg mál sem snerta fjármálakerfið í landinu eru ókláruð,“ segir Vilhjálmur.- kg