Eigendur Laugarásvideó efna til opnunarteitis

Eigendur myndbandaleigunnar Laugarásvideó efna til opnunarteitis á laugardaginn næsta klukkan þrjú.

Myndbandaleigan stórskemmdist í eldi í ágúst en eigendur hennar hafa unnið hörðum höndum við að koma rekstrinum í samt lag. Í tilkynningu sem þeir senda fjölmiðlum segja eigendur að með mikilli elju og dugnaði hafi þeim tekist það ætlunarverk að opna aftur fyrir jól, og vilji þeir því því bjóða alla velkomna á opnunarhátíð næstkomandi laugardag þann 12. desember klukkan þrjú.

Í opnunarteitinu verður boðið upp á léttar veitingar og mun hljómsveitin Deildarbungubræður spila við tilefnið.