Félag um foreldrajafnrétti fagnar áliti umboðsmanns

Félag um foreldrajafnrétti fagnar því að umboðsmaður barna taki loks afstöðu til einstaks máls með því að rita dóms- og kirkjumálaráðuneytinu og félags- og tryggingamálaráðuneytinu, bréf þar sem gagnrýndur er dómur Hæstaréttar um flengingar og farið fram á að lögum verði breytt. Þetta kemur fram í tilkynningu á heimasíðu félagsins.

„Foreldrafirring (PAS ofbeldi), sem oftast eða alltaf fylgir umgengistálmunum, er gróft ofbeldi gagnvart börnum og hefur djúpstæðar og alvarlegar afleiðingar á þau börn sem verða fyrir slíku ofbeldi. Margar rannsóknir sýna fram á skaðsemi PAS og því ætti það að vera óumdeilanlegt ofbeldismál og refsivert samkvæmt almennum hegningarlögum eins og annað ofbeldi," segir einnig.

Þá skorar félagið á Umboðsmann barna að beita sér fyrir því að lögum verði breytt svo stoppa megi það ofbeldi sem felst í umgengistálmunum, „eða eins og segir í bréfi Umboðsmanns barna, „Hvers kyns ofbeldi gagnvart börnum er ólíðandi, hvort sem ofbeldið er andlegt eða líkamlegt." Viðurlög við slíku ofbeldi skulu vera skír og afdráttarlaus og til þess fallin að barnið losni undan slíku ofbeldi tafarlaust."

Heimasíðu félagsins er að finna hér.