Guðbjartur formaður fjárlaganefndar

Samkvæmt heimildum fréttastofu verður gerð tillaga um að Guðbjartur Hannesson, fráfarandi forseti Alþingis og þingmaður Samfylkingarinnar, verði kjörinn nýr formaður fjárlaganefndar þegar þing kemur saman í dag. Árni Þór Sigurðsson, þingmaður Vinstri grænna, verður áfram formaður utanríkismálanefndar. Þá herma heimildir að lagt verði til að Helgi Hjörvar, þingmaður Samfylkingarinnar, taki við formennsku í efnahags- og skattanefnd.

Áður hefur komið fram að Ásta Ragnheiður Jóhannesdóttir, fyrrverandi félagsmálaráðherra, verður forseti Alþingis í stað Guðbjarts.

137. löggjafarþing Alþingis verður sett klukkan hálftvö í dag. Að lokinni guðsþjónustu í Dómkirkjunni mun Jóhanna Sigurðardóttir, aldursforseti þingsins, stjórna kjöri kjörbréfanefndar en að því loknu verður þingfundi frestað til klukkan fjögur. Þegar þingsetningarfundi verður fram haldið verður nýr forseti kjörinn og formenn 12 fastanefnda.