Playboymyndataka Ornellu yfirstaðin

„Það gengur mjög vel allt saman," svarar Ornella Thelmudóttir aðspurð út í fyrirsætustarfið og Playboymyndatöku þar sem hún sat fyrir léttklædd.

„Ég er búin að fara í tökuna en myndirnar verða ekki sýndar fyrr en aðrir samningar renna út. Þetta virkar víst svona," segir Ornella.

„En takan var fín. Hún var öðruvísi auðvitað. En ekkert of neitt..." útskýrir hún.

„Þetta var rosa flott studíó og ég fékk að sjá kjóla sem Monroe átti. Í einni tökunni er ég með kamb í hárinu sem hún átti," segir Ornella.

„Það var smá gamall Hollywood fílingur í þessari töku líka."

„Annars var ég bara að koma til Danmerkur bæði í frí og hér var mér boðinn samningur eftir sumarið. Ég vil skoða það betur og er að pæla í því."

„Já allt gengur bara ljómandi vel. Ég segi nú ekkert annað en að lífið er ljúft," segir Ornella áður en kvatt er.