Afsögnin óvenjuleg

Afsögn Björgvins G. Sigurðssonar viðskiptaráðherra markar viss tímamót þegar hún er borin saman við aðrar afsagnir ráðherra hér á landi, segir Gunnar Helgi Krist­insson, prófessor í stjórnmálafræði við Háskóla Íslands.

Björgvin er áttundi ráðherrann sem segir af sér af öðrum en persónulegum ástæðum frá því fyrsta ríkisstjórn landsins var mynduð árið 1917.

Afsögn Björgvins er óvenjuleg, og er þetta í fyrsta skipti sem íslenskur ráðherra axlar pólitíska ábyrgð á hneykslismáli með afsögn, sem gerist af og til í nágrannalöndunum segir Gunnar Helgi. Fyrirrennarar Björgvins hafi yfirleitt sagt af sér en haldið því á sama tíma fram að þeir hafi ekki gert neitt ámælisvert.

Gunnar segir erfitt að meta hvort vatnaskil hafi orðið með afsögn Björgvins, en segist vonast til þess að íslenskir ráðherrar axli í auknum mæli pólitíska ábyrgð.

- bj