Kjörklefakúkarinn reyndist kona og hústökumaður

27. apríl 2009 16:19

Samkvæmt áreiðanlegum heimildum Vísis þá var kjörklefakúkarinn 26 ára kona. Sjónarvottur sá hana fara inn í kjörklefann í Borgarskóla í Grafarvogi rétt fyrir lokun á laugardagskvöldið. Inn í klefanum gerði hún stykki sín og skeindi sig á kjörseðlinum. Svo braut hún seðilinn saman og skilaði honum í kjörkassann. Atkvæðið ógeðfellda uppgvötaðist stuttu síðar.

Gjörninginn tók hún upp á myndband og birti á heimasíðu aðgerðasinna, aftaka.org. Í fyrstu var myndbandið vistað á Youtube.com en það var fjarlægt af vefnum stuttu síðar. Myndbandið má aftur á móti nálgast á heimasíðu aðgerðasinnanna, hafi einhver geð í sér til þess.

Konan er tuttugu og sex ára gömul og var meðal húsatökumannannna sem voru handteknir á Vatnsstíg byrjun apríl. Ekki náðist í konuna þrátt fyrir ítrekaðar tilraunir.

Þegar haft var samband við yfirmann kjörstjórnar Reykjavíkurrkjördæmis Norður, Erlu S. Árnadóttur, sagði hún að lögreglan hefði ekki verið kölluð á vettvang vegna málsins.

Tengdar fréttir

Kúkaði í kjörklefann

„Ég hef ekki séð þetta myndband," segir Erla S. Árnadóttir, formaður yfirkjörstjórnar í Reykjavíkurkjördæmi norður, en einhver einstaklingur sýndi sérstætt andóf í kjörklefanu þegar hann hafði hægðir og skeindi sér síðan með kosningaseðlinum á laugardaginn. Síðan braut hann seðilinn snyrtilega saman og greiddi atkvæði.

27. apríl 2009 11:36

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.