Innlent

Þyrlan lent

Þyrla Landhelgisgæslunnar lenti með manninn við Borgarspítalann klukkan rúmlega 12:30 í dag.
Þyrla Landhelgisgæslunnar lenti með manninn við Borgarspítalann klukkan rúmlega 12:30 í dag.

Þyrla Landhelgisgæslunnar sem var kölluð út í morgun til að sækja slasaðan mann í Jökulheima við rætur Vatnajökuls lenti við Borgarspítalann klukkan rúmlega hálf eitt.

Að sögn lögreglunnar á Hvolsvelli lenti maðurinn undir jeppabifreið sem fór yfir kviðinn á honum. Landhelgisgæslunni barst tilkynning um málið á tíunda tímanum í morgun.

Óljóst er hvað maðurinn var að gera undir bílnum en nánari tildrög slyssins liggja ekki fyrir, að sögn lögreglu. Líðan mannsins er eftir atvikum góð.


Tengdar fréttir

Þyrla sækir slasaðan mann

Þyrla Landhelgisgæslunnar er að sækja slasaðan mann við Jökulheima við rætur Vatnajökuls. Hjá stjórnstöð Landhelgisgæslunnar fengust þær upplýsingar að talið sé að maðurinn hafi orðið undir bíl sem hann var að gera við. Ekki fengust upplýsingar um líðan mannsins.

Mest lesið


Fleiri fréttir

Sjá meira


×

Mest lesið